BERGFEX musicproject

Wenn i durch’s Fenster schau, seh´ i genau zu dir
Mit deiner weiß’n Haub’n, stehst du so stolz vor mir.
I hob di immer mög’n, schon als klanes Kind
Weil du mir so vü gibst, wos i sonst nirgends find.

Du hörst nur schweigend zua, scheinst olles zu versteh’n
Und wenn des Wetter passt, derf i auf dein Gipfel steh’n.

Ref.: A Berg wie du, soll ewig leb’n
A Berg wie du, soll immer sein
A Berg wie du, kann so vü geb’n
A Berg wie du, – loß mi dei Bergfex sei

Du gehst net mit der Mode, bist trotzdem wunderschein
A jede Zeit im Johr, verlockt zum aufi geh’n.
Mit’n Mountainbike im Summer, im Winter mit die Schi
Auf deine Hütt’n einkehr’n, noch da Bergpartie.

Im Herbst do kummt die Zeit, do trogst dei’ buntes Kleid
A jeder Maler kriegt da,  bei deine Farben an Neid.

Ref.: A Berg wie du, soll ewig leb’n
A Berg wie du, soll immer sei
A Berg wie du, kann so vü geb’n
A Berg wie du, – loß mi die Bergfex sei

(Text: Thomas Werner Burgstaller u. Stefan Poier, Musik: Karl Peinhaupt u. Sepp Schwarz)

Dei erster Schrei is no net verhallt
Er steht im Raum du liegst in meiner Hand
Des schenste wos i erleb´n derf
Erleb i heit du bist jetzt auf der Wölt
Du bist jetzt auf der Wölt
Du bist jetzt auf der Wölt

Ref.: Du des wird a langer Weg
Und hi und do muaßt zruckgeh´n damit wos vieri geht
Du dei Leb´n fangt erst aun
Und wennst amoui Angst griagst dann hoit di bei mir an

100.000 Pläne werden mit dir entstehn
Und die meisten werd´n net in Erfüllung gehen
Weil es kummt meist anders als wos ma denkt
Nur vergiß net das mei Herz immer an dir hängt

Und bitte vergiß net
Das mei Herz immer an dir hängt

Ref.: Du des wird a …

Verlurn hot ma dann wenn ma aufgeb´n hot
Wenn ma sie söber afoch foin loßt
Du waßt no gor nix bist no vü zu klan
Und i sog Du

Ref.: Du des wird a …

„Handgemachtes Einzelstück, Topqualität“
Des wär die Beschreibung, die auf dein Preisschild steht
Wenn du a Auto wärst, tatst du a Sportwogn sein
Erste Klass mit Extras, i steigat sofort ein

Jeder Meter hot sich auszahlt, den i gangen bin für di
Und wenn du wüst, des kannst ma glaub’n, geh i z’fuß für di nach Wien

Ref.: I kann mit dir am best’n lochn
I kann mit dir am best’n rean
An jed’n Blödsinn mit dir moch’n
Und die gleichen Lieder hör’n
I kann mit dir am besten red’n
Geh mit dir in jedes Land
Kann mit dir a Nocht lang kuscheln
Und a sonst noch allerhand

So Leut’ wie du soll’n leben, bis in Ewigkeit
Soll’n des Glück sich pacht’n, und i hätt’ net amoi an Neid
Wenn i alle Frauen hab’n könnt’, wärst immer noch  du mein Traum
Weil du genau des host, was andere net hab’n

Bei dir vergiss i alles, sogar a Fußballspü
Weil mir is klar, des kannst ma glaub’n, dass du des bist des wos i wü

Bridge: Wenn mir an der Kreuzung steh’n
Und mir müssten uns entscheid’n
Dann kann i scho vorher sog’n
Dass mir den gleichen Weg einschlog’n

(Text: Stefan Poier)

Happy Birthday wünschert i dir
Doch i sitz allanich do
Die Blumen die i für di kauft hob
Huist du a net o

A guates hoibes Johr is her
Das du verschwunden bist
Net vü Worte host du gmocht
Jo nur das des mit uns Geschichte is

Aba in mein neichn Leben fühl i mi so richtig pudelwohl
Und des mit dir juckt mi überhaupt net mehr
I hob glaubt i hätt di längst vergessen
Doch denk i jetzt grod an di
Des mit dir juckt mi überhaupt net mehr

Die Wohnung hob i sicherheitshoiba
Anfoch nei tapeziert
Weil mir vurkumman is
Das sie no immer noch dir riacht

I denk ma oft die Zeit mit uns woa sicher
Net amoi so schlecht
Nur wenn i mit meine Freind do sitz
Was i net ob i grod tauschen mecht

Aba in mein…

Wenn i in da Fruah daun hamkumm
Und die Wohnung die is leer
Daun hob i oftamoi des Gfüh
Als woatat do no wer

Net das du glabst oder dir einbülst
Das mir nur irgend etwos föhlt
Nur in mir drin do kanns schon sein
Das mi no manchesmoi wos quölt

Aba…

Langsam foit da erste Schnee,
I denk ma, mein Gott, is des sche,
Langsam kummt die stülle Zeit,
Doch i bin noch net so weit.

I hetz no immer durch die Stodt,
Hob den Gedanken fost scho sott,
Wo find i nur a b’sondres G’schenk,
Dass du a spürst, dass i an di denk.

Wenn’s draußen kalt is vor der Tür,
Do hätt i di so gern bei mir,
An haß’n Tee, a warme Nocht,
Ohne zu frog’n, wos hot des brocht.

Doch meistens bleibt’s beim Telefon,
Fost jede Stund rufst bei mir an,
Wir hätten uns oft gern vü mehr,
Doch treibt die Zeit uns vor sich her.

…Solo

Noch immer foit der erste Schnee,
Wie i so durch die Kält’n geh,
Do drah i um und geh zu dir,
Weihnacht’n steht vor der Tür.

Und i hetz net mehr durch die Stodt,
Weil i dein G’schenk jetzt gfund’n hob,
Doch es is a wos scheins für mi,
An ganzen Tog lang Zeit für di.

I schenk dir a Schneeballschlocht,
A Schlittenfoahrt, a schöne Nocht,
Schenk dir vielleicht dei Melodie,
Und an Tog lang Zeit für di.
An ganzen Tog lang Zeit für di,
An ganzen Tog lang Zeit für di.